Wavuvi wa Komoro walio potea baharini waokotwa pemba

IDARA ya Uhamiaji Mkoa wa Kaskazini Pemba inawashikilia vijana wawili raia wa Comoro huku taratibu ya kuwarejesha nchini mwao zikichukuliwa kwa ushirikiano  wa Serikali ya Mkoa huo.

Vijana hao ni Jaffar Ibrahim Bakar (20) pamoja na Abdul Rauf Dhwaafir Yussuf (20) walikokotwa na mawimbi ya bahari wakiwa na chombo chao cha uvuvi aina na Fiber.

Mratibu Msaidizi wa Idara ya Uhamiaji Mkoa wa Kaskazini Pemba Seif Mohamed Seif amesema vijana hao wameokotwa katika bahari ya Kangagani Wilaya ya Wete , baada ya kukaa baharini kwa muda wa siku kumi na mbili.

 Mwenyekiti wa Kamati ya Ulinzi na Usalama Mkoa wa Kaskazini Pemba ambaye pia ni Mkuu wa Mkoa huo, Bi Salama Mbarouk Khatib amesema serikali ya Mkoa inaendelea kufanya mawasiliano na Serikali kuu ili kuandaa utaratibu wa kuwarejesha nchini kwao vijana hao.

Kutokana na vijana hao kuzungumza lugha moja ya kikomoro, UGATv ililazimika kutumia lugha ya ishara ili kuwasilianao nao , ambapo wameshukuru ukarimu walioneshwa baada ya kuwasili Kisiwani Pemba.

#UGATvFurahaYako